عالم الكرونز
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


اهليــن و سهليــــــن يـــــا زائر نـــورت والله
 
الرئيسيةالبــوابةأحدث الصورالتسجيلدخولالتسجيل

 

 تابع تخافين على نفسكـــ ؟

اذهب الى الأسفل 
2 مشترك
كاتب الموضوعرسالة
مضر الخطيب
مشرف الملتقى الأدبي
مشرف الملتقى الأدبي
مضر الخطيب


الجنس : انثى
عدد المساهمات : 1188

نقاط : 7203

تاريخ التسجيل : 02/07/2009
علم بلــدك : الغاليـة فلسطيأن
المهنة : تابع تخافين على نفسكـــ ؟ Office10
مزاجي : تابع تخافين على نفسكـــ ؟ Pi-ca-20

تابع تخافين على نفسكـــ ؟ Empty
مُساهمةموضوع: تابع تخافين على نفسكـــ ؟   تابع تخافين على نفسكـــ ؟ I_icon_minitimeالأحد أغسطس 30, 2009 12:48 am

المهم انا عقلت وقلت خلاص 00 ابنتبه لنفسي والحمد لله لبست لبس ساتر وقريت اذكاري
وتملكت والحمد لله مشت الأمور على خير
وصرت ادرس بالتحفيظ وصرت اعرف اكثر عن السحر والمس والعين وبعدين اشتغلت مع مطوع يقراء عالناس وصرت متطوعه معه وعلمنا اشياء كثير وصرت اعرف المعيون والممسوس من اول نظره بسم الله علي
وتزوجت 00 وتركت التحفيظ بحكم ظروف الزواج وتركت بعد الشيخ اللي كنت اشتغل معه
ولهيت بحياتي 00 وقمت اتزين واتكشخ واتمنظر 00 احسب اني طبت
اصلا تركت القرايه لاني انشغلت 00خصوصا بشهر العسل
وصاروا الناس يزوروني وكل وحده تطلع وهي راصعتني بذيك العين اللي على كيف كيفك
طبعا انا من اول ماشفت زوجي وانا حاسه انه فيه شي
بس اني ساكته واقول ان شاء الله مافيه الا العافيه 00طبعا زوجي الله يهديه يسمع اغاني
واذا ركبنا السياره شغل اغاني 00 ورجع لي المس 00
كيف عرفت ؟؟ طبعا اذا فيك شي لاحظي نفسك راح تحسين ان جسمك من جهت اليمين يقشعر
خصوصا اذا سمعتي اغاني او احد طرى لك قصه مس او عين او او
وكل يوم كنت اقول ابرجع اقرء ابرجع اقرء ولا فيه فايده
وزوجي حكايته حكايه طبعا النوم هذا مانعرفه
يفزز وهو نايم وحالته حاله 00 واحيانا يقول احس اني وسط غساله والدنيا تدور بي
واحيانا اذا قلت له قم صل قعد يبكي 00ويقول ودي بس فيه شي يمنعني
ااااااااه حسبي الله ونعم الوكيل
ومره كان نايم بالغرفه وانا جالسه بالصاله وفجأه قام يناديني قلت له وش فيك ؟؟ قال انتي دخلتي علي قبل شوي ؟؟
قلت له لا والله مادخلت ولاجيت
قال كان فيه وحده واقفه عندي وكنت احسبها انتي وقلت لها سكري اللمبه ولا ردت علي
وقتها دريت انه ممسوس
وصرت اقرء عليه تخيلو ان رجله تنتفظ وانا ماسكتها وكان يحس بكتمه وضيقه
واحيانا يبكي من رجلينه ولا يقدر يمشي
اااااااااه يابنات دعواتكم لي
المهم قعدت اقرء على زيت وادهن جسمه كل يوم لين تحسن
لكن الأغاني مو راضي يتركها والأذكار مايداوم عليها
قلت مافيه الا خلطه الرومي 00 جبتها وتسبحت بها انا بغيت اموت من ارحامي وزوجي يبكي من رجلينه وتكه بصدره
طبعا الخلطه تستخدمينها 7 ايام ورى بعض قبل المغرب ويوم جاء اااااااااااخر يوم
وتنقطع المويه في بيتنا 000ونرجع على طير ياللي والله اني حسيتها من الجن حسبي الله عليهم
طبعا اذا قطعتي يوم من السبعه ايام لازم تعيدينها من جديد
والله انها بحب الخشوم على مايدخل ويتحمم 000
المهم قلت مافيه الا اني اكلم شيخ واقوله 00 وقلت له كل السالفه 00عن زوجي
قالي اقري سوره البقره وانفثي بماء واشربي انتي وزوجك ولاتعلمينه انك قاريه فيه
وسويتها 00 طبعا قالي الشيخ اذا تبين الحمل اقري سوره البقره يوميا على طول
لانك فيك مس وطبعا مستقر في بطني
وفعلا قريتها شهرين
ااااااااااااااااه يابنات والله اني اكتب لكم وابكي
قريتها وتعبت وتبهذلت
وكانت النتيجه اني
حملت 000 اي والله حملت 00 يوم سويت التحليل المنزلي ماصدقت عيوني ورحت الدكتوره وسوت لي تحليل دم وطلعت حاااااااااااااااااااامل وقعدت ابكي واصرخ في المستشفى
واسجد سجود الشكر وحتى الممرضه قامت تبكي 00 حملت وانا الحمل كان بالنسبه لي مستحيل
كل دكتوره تحط فيني عله 00 لي سنتين وانا من دكتور لدكتور00 وكل واحد يحط بي عله
طبعا انا جاتني الغده من اول ماتزوجت على سبه عين 00
المهم يابنات ادري انك بتصفقوني لكن اسمعوا السالفه
طبعا قلت لامي واهلي 00 وكلنا فرحنا 00 وطبعا يوم اني حملت خلاص نسيت كلام الشيخ مع اني المفروض احرص اكثر من اول
لكن ياليتني اتعلم 00
تركت سوره البقره ونسيت كلام الشيخ يوم قالي 00ان المس يرجع
وطبعا زوجي الله يهديه هو وذا الأغاني 00 الله يهديه ادعوا له يابنات
المهم تركت القرايه بالمره صرت بس اقرء الأذكار واحصن نفسي
وصرت احلم بناس يضربوني على بطني
واحلم بحماتي تبي تطيحني وتدفني
واحلم بناس وسيارات كلها تضربني على بطني
وقمت من نومي مفزوعه وانا غارقه بدمي 000 بغيت انجن تمنيت الموت
اي والله تمنيت الموت
ورحت المستشفى
وقالوا خلاص لازم تنظيف قعدت ابكي وابكي وقلت لامستحيل انزل الجنين خلوه فيني انا بموت
بس لاتنزلونه
تخيلوا الموقف
كنت فرحانه بالحمل الا طايره 00 حتى تصوير السونار ملصقته على جدار الغرفه وبخلفيه الجوال وبخلفيه الاب توب
وبكل مكان بالبيت في صوره للطفل المنتظر
صرت كل يوم امسك الصور واسولف عليه
وشريت له هدوم واخترت له اسم
وانتو تبون تاخذونه مني 00 تبوني اسوي تنظيف
لاوالله ماني مسويه خلوني اموت وفي بطني طفل ولا اعيش وانا بدون اطفال
كرهت نفسي وكرهت زوجي وحسيت انه هو السبب
كله من الأغاني كله منك
ااااااااااااااه يابنات ااااااااااه شفتوا المس كيف يسوي
شفتوا كيف
لاتستهينون به يابنات
طبعا انا مارضيت اسوي تننظيف وصارت لي حاله تسمم وبغيت اموت وياليتني مت وارتحت
وبعدين سويت تنظيف والى يومكم هذا وانا احسب واقول 00 لو اني ما اجهضت كان اللحين انا والده
ووو
استغفر الله ياربي تعوضني
والى الأن وانا محتفظه بصوره الطفل وكل يوم ابوسها واحضنها واحضن ملابسه واغراضه
وابكي وابكي وابكي 00 انا اللي ضيعت نفسي
حسبي الله ونعم الوكيل 00حسبي الله على من اذاني في جسدي حسبي الله على اذاني في نفسي
حسبي الله ونعم الوكيل
فوضت امري الى الله يحكم بيني وبينكم يوم القيامه
وحسبي الله على كل شخص يرى مايعجبه ولا يذكر اسم الله عليه
حسبي الله عليه ونعم الوكيل
حسبي الله على من يحسد الناس ويأذيتهم ويسحرهم
حسبي الله عليه ونعم الوكيل
يابنات لاتهملون انفسكم 00 اتركوا الأغاني
واتركوا التعري 00
وطيروا على اقرب عطار واشتروا خلطه الرومي
واستخدموها
وكسروا اشرطه الاغاني وشغلوا سوره البقره
حملوا الرقيه الشرعيه على الكمبيوتر واسمعوها يوميا
يالله يابنات نتعاون مع بعض ونتشارك ونحرق الجن
سجلوا اسمائكم وخلونا نبدا حمله احرقوهم بالرقيه
وانا معكم قلب وقالب 00 راح انزل لكم جدول نتبعه بحاذافيره لين الله يشفينامن العين والمس والسحر
والله الله بالدعاء
واتركوا عنكم الزواجات تراها الشر بعينه 00ترا الجن يحضرون الزواجات ويقعدون يختارون لهم فريسه ويتربصون لها ويتلبسونها
انا سامعته بنفسي من وحده نطق على لسانها جني عند المطوع اللي كنت اشتغل معه
يالله هذا البرنامج
سوره البقره كاااااااااااااااامله يوميا 00 +كاس ماء وتشربينها
زيت زيتون تقرين فيه سوره البقره كاااااااامله وتدهنين به جسمك يوميا
الماء والملح يابنات ياليتكم تعرفون وش يسوي اقلها اقلها يطرد الجن
اذن كاس ملح خشن +5لتر ماء وتتغسلين به بعد ما تتسبحين يوميا يوميا
راح تحسين بتعب بس استمري
يعني تتسبحين عادي بعد ماتخلصين وقبل لاتطلعين من الحمام كبي الماء والملح على جسمك من والى بعدين اجلسي شوي بعدين غسليه واطلعي
+
خلطه الرومي مفيده جدا
+
الأستغفاااااااااااااار
الاستغفار
الأستغفار
يفتح الأقفال
ولا تنسون الأذكار يوميا
ودعواتكم
دعواتكم يابنات دعواتكم
على فكره فيه وحده تعرفت عليها بالمنتدى ونصحتها بالرقيه والبرنامج هذا وانتوا بأنفسكم اسألوها وش صار فيها
انا بقولها تجي تكتب قصتها لكم
نسيت اقولكم اني مع القرايه كان ينزل من خشمي دم
دعواتكم يابنات بظهر الغيب دعواتكم بظهر ال
غيب
الرجوع الى أعلى الصفحة اذهب الى الأسفل
*عاشقة فلسطين*
عضـو فضـي
عضـو فضـي
*عاشقة فلسطين*


الجنس : انثى
عدد المساهمات : 2133

نقاط : 10034

تاريخ التسجيل : 01/07/2009
علم بلــدك : الغاليـة فلسطيأن
المهنة : تابع تخافين على نفسكـــ ؟ Studen10
مزاجي : تابع تخافين على نفسكـــ ؟ Pi-ca-17

تابع تخافين على نفسكـــ ؟ Empty
مُساهمةموضوع: رد: تابع تخافين على نفسكـــ ؟   تابع تخافين على نفسكـــ ؟ I_icon_minitimeالأحد أغسطس 30, 2009 12:53 am

يعطيك العافية
الرجوع الى أعلى الصفحة اذهب الى الأسفل
مضر الخطيب
مشرف الملتقى الأدبي
مشرف الملتقى الأدبي
مضر الخطيب


الجنس : انثى
عدد المساهمات : 1188

نقاط : 7203

تاريخ التسجيل : 02/07/2009
علم بلــدك : الغاليـة فلسطيأن
المهنة : تابع تخافين على نفسكـــ ؟ Office10
مزاجي : تابع تخافين على نفسكـــ ؟ Pi-ca-20

تابع تخافين على نفسكـــ ؟ Empty
مُساهمةموضوع: رد: تابع تخافين على نفسكـــ ؟   تابع تخافين على نفسكـــ ؟ I_icon_minitimeالأحد أغسطس 30, 2009 12:57 am


الله يعافيكِ يارب يا عاشقة فلسطين

شكرا جزيلا لمرورك المنور
الرجوع الى أعلى الصفحة اذهب الى الأسفل
 
تابع تخافين على نفسكـــ ؟
الرجوع الى أعلى الصفحة 
صفحة 1 من اصل 1
 مواضيع مماثلة
-
» تخافين على نفســڪ ؟

صلاحيات هذا المنتدى:لاتستطيع الرد على المواضيع في هذا المنتدى
عالم الكرونز  :: الملتقى الأدبي :: القصص والروايات-
انتقل الى: